പണ്ടാരപ്പാട്ട വിളംബരം (Pandarapatta Vilambaram)

പണ്ടാരപ്പാട്ട വിളംബരം (Pandarapatta Vilambaram)

ആധുനിക തിരുവിതാംകൂര്‍ സ്രഷ്ടാവായ മാര്‍ത്താണ്ഡവര്‍മ നടത്തിയ പരിഷ്കാരപ്രകാരം ഭൂമിയുടെ അവകാശം ദേവസ്വം, ബ്രഹ്മസ്വം, പണ്ടാരവക, ദാനം എന്നിങ്ങനെ നാലായി തരംതിരിച്ചിരുന്നു. ബഹുഭൂരിഭാഗം ഭൂമിയും പണ്ടാരവകയായിരുന്നു. പണ്ടാരം വക ഭൂമിയിൽ കൃഷിചെയ്ത് ആദായം എടുക്കാമെന്നല്ലാതെ ഭാഗംവയ്ക്കാനോ, വില്‍ക്കാനോ ആർക്കും അനുവാദം ഇല്ലായിരുന്നു. എന്നാല്‍ 1865ല്‍ ആയില്യം തിരുനാൾ മഹാരാജാവിന്റെ ഭരണകാലത്ത് ദിവാന്‍ സര്‍ ടി.മാധവറാവു, സര്‍ക്കാര്‍ വക (പണ്ടാര വക) ഭൂമിയിലെ കുടിയാന്മാർക്ക് അവർ കൃഷിചെയ്യുന്ന ഭൂമി സ്വന്തമായി നൽകികൊണ്ട് ഉത്തരവ് പുറപ്പെടുവിച്ചു. ഇത് പണ്ടാരപ്പാട്ട വിളംബരം എന്ന് അറിയപ്പെട്ടു. വിളംബരപ്രകാരം കുടിയാനിൽ നിന്നും നിശ്ചിതതുക ഈടാക്കി പാട്ടവസ്തുക്കളുടെ ഉടമസ്ഥാവകാശം നല്‍കി. ഇതോടെ കുടിയാന് സർക്കാർ വക പാട്ടവസ്തുക്കളുടെ മേൽ അവകാശം ലഭിച്ചു. 1867ലെ ജന്മി-കുടിയാൻ വിളംബരം വസ്തുവിൽ കുടിയാനുള്ള അവകാശത്തിന് സ്ഥിരത നൽകി. 

ആവർത്തിക്കുന്ന ചോദ്യങ്ങൾ 

1. തിരുവിതാംകൂറിൽ പണ്ടാരവക അഥവാ സർക്കാർ വക ഭൂമിയിലെ കുടിയാൻമാർക്ക് അവർ കൃഷിചെയ്യുന്ന ഭൂമി സ്വന്തമായി നൽകാൻ കാരണമായ നിയമമേത്❓️

🅰️. പണ്ടാരപ്പാട്ട വിളംബരം

2. കുടിയാന് സർക്കാർ വക പാട്ടവസ്തുക്കളുടെ മേൽ അവകാശം സ്ഥിരപ്പെടുത്തിക്കൊടുത്ത വിളംബരം ❓️

🅰️.പണ്ടാരപ്പാട്ട വിളംബരം

3. പണ്ടാരപ്പാട്ട വിളംബരം പുറപ്പെടുവിച്ച തിരുവിതാംകൂർ രാജാവ് ❓️

ആയില്യം തിരുനാൾ

4. തിരുവിതാംകൂറിലെ കർഷകരുടെ മാഗ്നാകാർട്ട" എന്നറിയപ്പെടുന്നത് ❓️

🅰️. പണ്ടാരപ്പാട്ട വിളംബരം 

5. തിരുവിതാംകൂറിൽ പണ്ടാരപ്പാട്ട വിളംബരം പുറപ്പെടുവിച്ച വർഷമേത് ❓️

🅰️.1865 

6. പണ്ടാരം വിളംബര ഉത്തരവ് പുറപ്പെടുവിച്ച ദിവാന്‍ ❓️

🅰️. സര്‍ ടി.മാധവറാവു

7. തിരുവിതാംകൂറിൽ നിലനിന്നിരുന്ന ഒരു ഭൂവുടമ സമ്പ്രദായം ❓️

🅰️. ജന്മി സമ്പ്രദായം 

8. ജന്മി തന്റെ ഉടമസ്ഥതയിലുള്ള ഭൂമി കുടിയാന് കൃഷി ചെയ്യാൻ കൊടുക്കുകയും അവർ ആദായത്തിന്റെ ഒരംശം ജന്മിയ്ക്ക് പാട്ടമായി നൽകുകയും ചെയ്യുന്ന സമ്പ്രദായം ❓️

🅰️. ജന്മി സമ്പ്രദായം

9. ജന്മി-കുടിയാൻ വിളംബരം പുറപ്പെടുവിച്ച വർഷമേത് ❓️

🅰️.1867

10. 1867ൽ 'ജന്മി-കുടിയാൻ വിളംബരം' പുറപ്പെടുവിച്ച തിരുവിതാംകൂർ ഭരണാധികാരി ❓️

🅰️. ആയില്യം തിരുനാൾ

11. ജന്മികുടിയാൻ വിളംബരം അറിയപ്പെടുന്ന മറ്റൊരു പേര് ❓️

🅰️. കാണപ്പാട്ട വിളംബരം